https://iks.bhu.edu.in/index.php?action=history&feed=atom&title=Sbg_18.52_scsh 2026-04-05T22:56:26Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_18.52_scsh&diff=21202&oldid=prev 2025-12-04T10:15:24Z

<p>Added {content_identifier} content</p> <p><b>New page</b></p><div>Sanskrit Commentary By Sri Shankaracharya<br /> ।।18.52।। --,<br /> विविक्तसेवी<br /> अरण्यनदीपुलिनगिरिगुहादीन् विविक्तान् देशान् सेवितुं शीलम् अस्य इति विविक्तसेवी?<br /> लघ्वाशी<br /> लघ्वशनशीलः -- विविक्तसेवालघ्वशनयोः निद्रादिदोषनिवर्तकत्वेन चित्तप्रसादहेतुत्वात् ग्रहणम्<br /> यतवाक्कायमानसः<br /> वाक् च कायश्च मानसं च यतानि संयतानि यस्य ज्ञाननिष्ठस्य सः ज्ञाननिष्ठः यतिः यतवाक्कायमानसः स्यात्। एवम् उपरतसर्वकरणः सन्<br /> ध्यानयोगपरः<br /> ध्यानम् आत्मस्वरूपचिन्तनम्? योगः आत्मविषये एकाग्रीकरणम् तौ परत्वेन कर्तव्यौ यस्य सः ध्यानयोगपरः<br /> नित्यं<br /> नित्यग्रहणं मन्त्रजपाद्यन्यकर्तव्याभावप्रदर्शनार्थम्?<br /> वैराग्यं<br /> विरागस्य भावः दृष्टादृष्टेषु विषयेषु वैतृष्ण्यं<br /> समुपाश्रितः<br /> सम्यक् उपाश्रितः नित्यमेव इत्यर्थः।।किं च --,</div>

imported>Vij