https://iks.bhu.edu.in/index.php?action=history&feed=atom&title=Sbg_18.2_scanand 2026-04-08T21:09:15Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_18.2_scanand&diff=19806&oldid=prev 2025-12-04T10:04:12Z

<p>Added {content_identifier} content</p> <p><b>New page</b></p><div><br /> Sanskrit Commentary By Sri Anandgiri<br /> ।।18.2।।ननु पूर्वेष्वध्यायेषु तत्र तत्र संन्यासत्यागयोरुक्तत्वात्किमिति पुनस्तौ पृच्छ्येते ज्ञाते तदयोगात्तत्राह --<br /> तत्र तत्रेति।<br /> न निर्लुण्ठितार्थौ न निकृष्टार्थौ न विविक्तार्थावित्यर्थः। बुभुत्सया प्रश्नस्य प्रवृत्तत्वात्प्रष्टुरभिप्रायं प्रश्नेन प्रतिपद्य भगवानुत्तरमुक्तवानित्याह --<br /> अत इति।<br /> पक्षद्वयोपन्यासेन संन्यासत्यागशब्दयोरर्थभेदं कथयति --<br /> काम्यानामिति।<br /> तत्किमिदानीं संन्यासत्यागशब्दयोरात्यन्तिकं भिन्नार्थत्वं तथा प्रसिद्धिविरोधः स्यादित्याशङ्क्यावान्तरभेदेऽपि नात्यन्तिकभेदोऽस्तीत्याह --<br /> यदीति।<br /> पुत्राभावाद्वन्ध्यायास्तत्त्यागायोगवन्नित्यनैमित्तिककर्मणामफलानां फलत्यागानुपपत्तेरुक्तस्त्यागशब्दार्थो न सिद्ध्यतीति शङ्कते --<br /> नन्विति।<br /> नित्यनैमित्तिककर्मफलस्य वन्ध्यापुत्रसादृश्याभावात्तत्त्यागसंभवादुक्तस्त्यागशब्दार्थः संभवतीति समाधत्ते --<br /> नैष दोष इति।<br /> भगवता तेषां फलवत्त्वमिष्टमित्यत्र वाक्यशेषमनुकूलयति --<br /> वक्ष्यतीति।<br /> तर्हि संन्यासिनामसंन्यासिनां च नित्याद्यनुष्ठायिनामविशेषेण तत्फलं स्यादिति चेन्नैवेत्याह --<br /> नत्विति।<br /> वक्ष्यतीत्यनुकर्षणं चकारार्थः। प्रसक्तस्य वचसोऽर्थं प्रकृतोपयोगित्वेन संगृह्य स्मारयति --<br /> संन्यासिनामिति।</div>

imported>Vij