https://iks.bhu.edu.in/index.php?action=history&feed=atom&title=Sbg_18.24_scsh 2026-04-08T03:49:29Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_18.24_scsh&diff=20417&oldid=prev 2025-12-04T10:09:13Z

<p>Added {content_identifier} content</p> <p><b>New page</b></p><div>Sanskrit Commentary By Sri Shankaracharya<br /> ।।18.24।। --,<br /> यत्तु कामेप्सुना<br /> कर्मफलप्रेप्सुना इत्यर्थः?<br /> कर्म साहंकारेण<br /> (वा गी0) इति न तत्त्वज्ञानापेक्षया। किं तर्हि लौकिकश्रोत्रियनिरहंकारापेक्षया। यो हि परमार्थनिरहंकारः आत्मवित्? न तस्य कामेप्सुत्वबहुलायासकर्तृत्वप्राप्तिः अस्ति। सात्त्विकस्यापि कर्मणः अनात्मवित् साहंकारः कर्ता? किमुत राजसतामसयोः। लोके अनात्मविदपि श्रोत्रियो निरहंकारः उच्यते निरहंकारः अयं ब्राह्मणः इति। तस्मात् तदपेक्षयैव साहंकारेण वा इति उक्तम्।<br /> पुनः<br /> शब्दः पादपूरणार्थः।<br /> क्रियते<br /> बहुलायासं<br /> कर्त्रा महता आयासेन निर्वर्त्यते?<br /> तत्<br /> कर्म<br /> राजसम् उदाहृतम्<br /> ।।</div>

imported>Vij