https://iks.bhu.edu.in/index.php?action=history&feed=atom&title=Sbg_18.18_scanand 2026-04-07T23:50:08Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_18.18_scanand&diff=20254&oldid=prev 2025-12-04T10:07:56Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।18.18।।शास्त्रार्थोपसंहारानन्तर्यमथेत्युक्तमिदानीमिति प्रवर्तकोपदेशापेक्षावस्थोक्ता। कर्मणां? येषु विदुषां नाधिकारोऽविदुषां चाधिकारस्तेषामित्यर्थः। ज्ञानशब्दस्य करणव्युत्पत्त्या ज्ञानमात्रार्थत्वमाह --<br /> ज्ञानमिति।<br /> ज्ञेयशब्दस्यापि तद्वदेव ज्ञातव्यमात्रार्थत्वमाह --<br /> तथेति।<br /> उपाधिलक्षणत्वं तत्प्रधानत्वमुपहितत्वं तस्यावस्तुत्वार्थमविद्याकल्पितविशेषणम्। एतदेव त्रयं सर्वकर्मप्रवर्तकमित्याह --<br /> इत्येतदिति।<br /> सर्वकर्मणां प्रवर्तकमित्यध्याहर्तव्यम्। चोदनेति क्रियायाः प्रवर्तकं वचनमिति भाष्यानुसारेण चोदनाशब्दार्थमाह --<br /> प्रवर्तिकेति।<br /> सर्वकर्मणामिति पूर्वेण संबन्धः। त्रैविध्यं ज्ञानादिना प्रागुक्तं? कर्मणां चोदनेति विग्रहः। तेषां सर्वकर्मप्रवर्तकत्वमनुभवेन साधयति --<br /> ज्ञानादीनामिति।<br /> हानोपादानादीत्यादिपदेनोपेक्षा विवक्षिता। करणमित्यादेस्तात्पर्यमाह --<br /> तत इति।<br /> ज्ञानादीनां प्रवर्तकत्वादित्यर्थः। उक्तेऽर्थे श्लोकभागमवतारयति --<br /> इत्येतदिति।<br /> बाह्यमन्तःस्थं च द्विविधं करणं करणव्युत्पत्त्या कथयति --<br /> करणमिति।<br /> उक्तलक्षणं कर्मैव स्फुटयति --<br /> कर्तुरिति।<br /> स्वतन्त्रो हि कर्ता स्वातन्त्र्यं च कारकाप्रयोज्यस्य तत्प्रयोक्तृत्वमित्याह --<br /> कर्तेति।<br /> कथमुक्ते त्रिविधे कर्म संगृह्यते तत्राह --<br /> कर्मेति।<br /> कर्मणो हि प्रसिद्धं कारकाश्रयत्वमिति भावः।</div>

imported>Vij