https://iks.bhu.edu.in/index.php?action=history&feed=atom&title=Sbg_18.12_scanand 2026-04-08T10:27:26Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_18.12_scanand&diff=20086&oldid=prev 2025-12-04T10:06:25Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।18.12।।उक्ताधिकारिणः सर्वकर्मसंन्यासासंभवेऽपि फलाभावे कुतस्तस्य कर्तव्यतेति शङ्कते --<br /> किं<br /> पुनरिति।<br /> गौणस्य मुख्यस्य वा संन्यासस्य फलं पिपृच्छिषितमिति विकल्पयति --<br /> उच्यत इति।<br /> सर्वकर्मत्यागो नाम तदनुष्ठानेऽपि तत्फलाभिसन्धित्यागः। स चामुख्यसंन्यासस्तस्य फलमाह --<br /> अनिष्टमिति।<br /> मुख्ये तु संन्यासे सर्वकर्मत्यागे सम्यग्धीद्वारा सर्वसंसारोच्छित्तिरेव फलमित्याह --<br /> नत्विति।<br /> पादत्रयं व्याकरोति --<br /> अनिष्टमित्यादिना।<br /> तिर्यगादीत्यादिपदमवशिष्टनिकृष्टयोनिसंग्रहार्थं?,देवादीत्यादिपदमवशिष्टोत्कृष्टयोनिग्रहणायेति विभागः। फलशब्दं व्युत्पादयति --<br /> बाह्येति।<br /> करणद्वारकमनेकविधत्वमुक्त्वा मिथ्यात्वमाह --<br /> अविद्येति।<br /> तत्कृतत्वेन दृष्टिमात्रदेहत्वे दृष्टान्तमाह --<br /> इन्द्रेति।<br /> प्रतीतितो रमणीयत्वं सूचयति --<br /> महामोहेति।<br /> अविद्योत्थस्याविद्याश्रितत्वादात्माश्रितत्वं वस्तुतो नास्तीत्याह --<br /> प्रत्यगिति।<br /> उक्तं फलं कर्मिणामिष्यते चेदमुख्यसंन्यासफलोक्तिपरत्वं पादत्रयस्य कथमिष्टमित्याशङ्क्याह --<br /> अपरमार्थेति।<br /> फलाभिसंधिविकलानां कर्मिणां देहपातादूर्ध्वं कर्मानुरोधिफलमावश्यकमित्यर्थः। कर्मिणामेव सतामफलाभिसंधीनाममुख्यसंन्यासित्वात्तदीयामुख्यसंन्यासस्य फलमुक्त्वा चतुर्थपादं व्याचष्टे --<br /> नत्विति।<br /> अमुख्यसंन्यासमनन्तरप्रकृतं व्यवच्छिनत्ति --<br /> परमार्थेति।<br /> तेषां प्रधानं धर्ममुपदिशति --<br /> केवलेति।<br /> क्वचिद्देशे काले वा नास्ति यथोक्तं फलं तेषामिति संबन्धः। तर्हि परमार्थसंन्यासोऽफलत्वान्नानुष्ठियेतेत्याशङ्क्य तस्य मोक्षावसायित्वान्मैवमित्याह --<br /> नहीति।</div>

imported>Vij