https://iks.bhu.edu.in/index.php?action=history&feed=atom&title=Sbg_17.15_scanand 2026-04-09T21:24:35Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_17.15_scanand&diff=19386&oldid=prev 2025-12-04T10:00:56Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।17.15।।संप्रति वाङ्मयं तपो व्यपदिशति --<br /> अनुद्वेगकरमिति।<br /> सत्यं यथादृष्टार्थवचनं? प्रियं श्रुतिसुखं? हितं परिणामपथ्यम्। प्रियहितयोर्विधान्तरेण विभागमाह --<br /> प्रियेति।<br /> कथमत्र विशेषणविशेष्यत्वं तदाह --<br /> अनुद्वेगेति।<br /> विशेषणानां धर्माणामनुद्वेगकरत्वादीनां विशेषणवाक्येन समुदितानां परस्परमपि समुच्चयद्योती चकार इत्याह --<br /> विशेषणेति।<br /> किमिति वाक्यमेतैर्विशेष्यते किमिति वा तेषां मिथः समुच्चयस्तत्राह --<br /> परेति।<br /> यद्यपि (विधायक) वाक्यमात्रस्याविशेषितस्य वाङ्मयतपस्त्वानुपपत्तिस्तथापि सत्यवाक्यस्य विशेषणान्तराभावेऽपि वाङ्मयतपस्त्वमित्याशङ्क्याह --<br /> तथेति।<br /> तथापि परिणामपथ्यं वाक्यमात्रं तथा भविष्यति नेत्याह --<br /> तथा हितेति।<br /> कीदृक् तर्हि तपोवाङ्मयमिति प्रश्नपूर्वकं विशदयति --<br /> किं पुनरिति।<br /> विशिष्टे वाङ्मये तपसि दृष्टान्तमाह --<br /> यथेति।<br /> प्राङ्मुखत्वं पवित्रपाणित्वमित्यादिविधानमनतिक्रम्य स्वाध्यायस्यावर्तनमपि वाङ्मये तपस्यन्तर्भवतीत्याह --<br /> स्वाध्यायेति।<br /> वाक्प्राचुर्येण प्रस्तुतास्मिन्निति वाङ्मयं वाक्प्रधानमित्यर्थः।</div>

imported>Vij