https://iks.bhu.edu.in/index.php?action=history&feed=atom&title=Sbg_16.18_scanand 2026-04-12T15:18:25Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_16.18_scanand&diff=18798&oldid=prev 2025-12-04T09:56:26Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।16.18।।आसुरीं संपदमभिजातैरधर्मजातमेव संचीयते प्रवृत्तेरपि वैदिके नैव पुण्यमित्युक्तम्। ब्रह्मज्ञानात्पुनरासुरा दूरादेवोद्विजन्त इत्याह --<br /> अहंकारमिति।<br /> अहंकारमेव स्फोरयति --<br /> विद्यमानैरिति।<br /> अध्यारोपितवैशिष्ट्यविषयत्वादहंकारस्याविद्यामूलत्वेनाविद्यात्वमाह --<br /> अविद्याख्य इति।<br /> विवेकिभिस्तस्यातियत्नादेव हेयत्वं सूचयति --<br /> कष्टतम इति।<br /> तदेव स्पष्टयति --<br /> सर्वेति।<br /> तं संश्रिता इति संबन्धः। कार्यकरणसामर्थ्यमुक्तविशेषणं बलम्। अहंकार एव महवदधीरणापर्यन्तत्वेन परिणतो दर्पस्तं व्याकरोति --<br /> दर्पो नामेत्यादिना।<br /> अन्यांश्च दोषान्मात्सर्यादीन्। न केवलमुक्तमेव तेषां विशेषणं किंतु कष्टतममस्ति विशेषणान्तरमित्याह --<br /> किञ्चेति।<br /> यद्यपीश्वरं प्रति द्वेषस्तेषां संभाव्यते तथापि कथं स्वदेहे परदेहेषु च तं प्रति द्वेषो नहि तत्र भोक्तारमन्तरेणेश्वरस्यावस्थानमित्याशङ्क्याह --<br /> तद्बुद्धीति।<br /> तेषामीश्वरं प्रति द्वेषमेव प्रकटयति, --<br /> मच्छासनेति।<br /> ईश्वरस्य शासनं श्रुतिस्मृतिरूपं तदतिवर्तित्वं तदुक्तार्थज्ञानानुष्ठानपराङ्मुखत्वम्।</div>

imported>Vij