https://iks.bhu.edu.in/index.php?action=history&feed=atom&title=Sbg_15.3_scanand 2026-04-18T07:42:13Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_15.3_scanand&diff=17818&oldid=prev 2025-12-04T09:47:55Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।15.3।।पुनःपुना रागादीना प्रवृत्तत्वेनानादित्वान्न संसारवृक्षः स्वयमुच्छिद्यते न चोच्छेत्तुं शक्यते केनापीत्याशङ्क्याह --<br /> यस्त्विति।<br /> यथा पूर्वं वर्णितं यथा च लोके प्रसिद्धं तथास्य रूपमिह शास्त्रादनुमीयते तथाचास्य ज्ञानापनोद्यत्वं युक्तमित्याह --<br /> यथेति।<br /> तस्याप्रमितत्वे हेतुमाह --<br /> स्वप्नेति।<br /> तस्य स्वप्नादिसमत्वे दृष्टनष्टस्वरूपत्वं हेतुं करोति --<br /> दृष्टेति।<br /> इत्यमेयतेति शेषः। तमेवामेयत्वं हेतुं कृत्वावसानमपि तस्य न भातीत्याह --<br /> अत एवेति।<br /> ज्ञानं विना भ्रान्तिवासनाकर्मणामन्योन्यनिमित्तत्वान्नावसानमस्तीत्यर्थः। इदंप्रथमत्वमपि नास्य परिच्छेत्तुं शक्यमित्याह --<br /> तथेति।<br /> आद्यन्तवन्मध्यमपि नास्य प्रामाणिकमित्याह --<br /> मध्यमिति।<br /> संसारवृक्षस्याश्वत्थशब्दितस्य क्षणभङ्गुरस्य स्वयमेवोच्छेदसंभवात्तदुच्छेदार्थं न प्रयतितव्यमित्याशङ्क्याह --<br /> अश्वत्थमिति।<br /> व्युत्थानं वैराग्यपूर्वकं पारिव्राज्यम्। दृढीकृतत्वमेव विवेकपूर्वकत्वेन स्फुटयति --<br /> पुनःपुनरिति।</div>

imported>Vij