https://iks.bhu.edu.in/index.php?action=history&feed=atom&title=Sbg_15.2_scanand 2026-04-24T17:10:05Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_15.2_scanand&diff=17790&oldid=prev 2025-12-04T09:47:42Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।15.2।।अवयवसंबन्धिन्यपरा प्रागुक्तादतिरिक्ता कल्पनेति यावत्। आमनुष्यलोकादाविरिञ्चेरित्यधःशब्दार्थमाह --<br /> मनुष्यादिभ्य इति।<br /> तस्मादेवारभ्य आसत्यलोकादित्यूर्ध्वशब्दार्थमाह --<br /> यावदिति।<br /> शाखाशब्दार्थं दर्शयति --<br /> ज्ञानेति।<br /> तेषां हेत्वनुगुणत्वेन बहुविधत्वं सूचयति --<br /> यथेति।<br /> प्रत्यक्षाणां शब्दादिविषयाणां प्रवालत्वं शाखासु पल्लवत्वम्। अङ्कुरत्वं स्फोरयति --<br /> देहादीति।<br /> ऊर्ध्वमूलमित्यत्र संसारवृक्षस्य मूलमुक्तं किमिदानीमधश्च मूलानीत्युच्यते तत्राह --<br /> संसारेति।<br /> अनुप्रविष्टत्वं सर्वेषु लिङ्गेष्वनुगततया संततत्वमविच्छिन्नत्वम्। रागादीनां कर्मफलजन्यत्वं प्रकटयति --<br /> कर्मेति।<br /> कर्मणां रागादीनां मिथो हेतुहेतुमत्त्वम्। तेषां तथात्वेनानवच्छिन्नतया,प्रवृत्तिर्विशेषतो मनुष्यलोके भवतीत्यत्र हेतुमाह --<br /> अत्र हीति।<br /> कर्मव्युत्पत्त्या प्राणिनिकायो लोकः। मनुष्यश्चासौ लोकश्चेत्यधिकृतो ब्राह्मण्यादिविशिष्टो देहो मनुष्यलोकः।</div>

imported>Vij