https://iks.bhu.edu.in/index.php?action=history&feed=atom&title=Sbg_15.20_scanand 2026-04-17T09:52:54Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_15.20_scanand&diff=18294&oldid=prev 2025-12-04T09:52:14Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।15.20।।अध्यायार्थमनूद्योपसंहारश्लोकमवतारयति --<br /> अस्मिन्निति।<br /> सर्वस्यां गीतायां शास्त्रशब्दे वक्तव्ये कथमस्मिन्नध्याये तत्प्रयोगः स्यादित्याशङ्क्याह --<br /> यद्यपीति।<br /> संनिहितमध्यायं स्तोतुमपि कुतस्तत्र शास्त्रशब्दस्तदर्थाभावात्तत्राह --<br /> सर्वो हीति।<br /> गीताशास्त्रार्थस्य सर्वस्यात्र संक्षिप्तत्वादेव केवलं शास्त्रशब्दो न भवति किंतु वेदार्थस्यापि सर्वस्यात्रसमाप्तेर्युक्तं शास्त्रपदमित्याह --<br /> नेति।<br /> तत्र गमकमाह --<br /> यस्तमिति।<br /> भगवत्तत्त्वज्ञाने कृतकृत्यतेत्येतदुपपादयति --<br /> विशिष्टेति।<br /> नान्यथेत्युक्तं प्रपञ्चयति --<br /> नचेति।<br /> सत्यपि तत्त्वज्ञाने कर्मणां कर्तव्यत्वान्न कर्तव्यसमाप्तिरित्याशङ्क्याह --<br /> सर्वमिति।<br /> तत्त्वज्ञाने कृतार्थतेति तत्र मनोरपि संमतिमाह --<br /> एतद्धीति।<br /> भारतेति संबोधनतात्पर्यमाह --<br /> यत इति।<br /> तदनेनात्मनो देहाद्यतिरिक्तत्वं चिद्रूपत्वं सर्वात्मत्वं कार्यकारणविनिर्मुक्तत्वेनाप्रपञ्चत्वं तस्याखण्डैकरसब्रह्मात्मत्वज्ञानादशेषपुरुषार्थपरिसमाप्तिरित्युक्तम्।इति श्रीमत्परमहंसपरिव्राजकाचार्यश्रीमच्छुद्धानन्दपूज्यपादशिष्यानन्दगिरिकृतौ पञ्चदशोऽध्यायः।।15।।</div>

imported>Vij