https://iks.bhu.edu.in/index.php?action=history&feed=atom&title=Sbg_15.17_scanand 2026-04-17T09:53:09Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_15.17_scanand&diff=18210&oldid=prev 2025-12-04T09:51:33Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।15.17।।कार्यकारणाख्यौ राशी दर्शयित्वा राश्यन्तरं दर्शयति --<br /> आभ्यामिति।<br /> वैलक्षण्यफलमाह --<br /> क्षरेति।<br /> उपाधिद्वयकृतगुणदोषास्पर्शे फलितमाह --<br /> नित्येति।<br /> आभ्यां क्षराक्षराभ्यामिति यावत्। उत्तमोऽन्य इति पदद्वयं वस्तुतः सर्वथैव क्षराक्षरात्मत्वाभावदृष्ट्यर्थम्। जडवर्गस्यान्यत्वकृतं स्वातन्त्र्यं निरस्यति --<br /> स एवेति।<br /> लोकत्रयमित्युपलक्षणं सर्वं जगदपि विवक्षितम्। चैतन्यमेव बलं तत्र शक्तिर्माया तयेति यावत्। जगद्धारणे परस्य व्यापारान्तरं वारयति --<br /> स्वरूपेति।<br /> नचास्यान्यो धारयिता स्वतोऽचलत्वादित्याह --<br /> अव्यय इति।<br /> संयुक्तमेतत्क्षरमक्षरं च व्यक्ताव्यक्तं भरते विश्वमीशः इति श्रुत्यर्थं गृहीत्वाह --<br /> ईश्वर इति।</div>

imported>Vij