https://iks.bhu.edu.in/index.php?action=history&feed=atom&title=Sbg_15.16_scanand 2026-04-17T21:26:09Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_15.16_scanand&diff=18182&oldid=prev 2025-12-04T09:51:19Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।15.16।।उत्तरश्लोकानां तात्पर्यं वक्तुं वृत्तं कीर्तयति --<br /> भगवत इति।<br /> विशिष्टोपाधिराहित्यादिः। संप्रत्यध्यायसमाप्तेरुत्तरसंदर्भस्य तात्पर्यमाह --<br /> अथेति।<br /> न केवलं निरुपाधिकात्मस्वरूपनिर्धारणायोत्तरग्रन्थः किंतु सर्वस्यैव गीताशास्त्रस्यार्थनिर्णयार्थमित्याह --<br /> तत्रेति।<br /> क्षराक्षरोपाधिभ्यां परमात्मना च राशित्रयमुक्तेन सर्वात्मत्वेनाशुद्ध्यादिदोषप्रसक्तावुक्तं --<br /> द्वाविमाविति।<br /> पुरुषोपाधित्वात्पुरुषत्वं न साक्षादिति विवक्षितत्वादाह --,<br /> पुरुषाविति।<br /> परं पुरुषं व्यावर्तयति --<br /> भगवत इति।<br /> तत्र कार्यलिङ्गकमनुमानं सूचयति --<br /> क्षराख्यस्येति।<br /> मायाशक्तिं विना भोक्तृ़णां कर्मादिसंस्कारा देवोक्तकार्योत्पत्तिरित्याशङ्क्य तस्य निमित्तत्वेऽपि मायाशक्तिरुपादानमिति मत्वाह --<br /> अनेकेति।<br /> कामकर्मादीत्यादिशब्देन ज्ञानं गृह्यते। प्रकृतिं पुरुषं चैवेति प्रकृतयोरिह ग्रहणमिति शङ्कामाकाङ्क्षाद्वारा वारयति --<br /> कौ ताविति।<br /> कूटशब्दार्थमुक्त्वा तेन स्थितस्य कूटस्थतेति संपिण्डितमर्थमाह --<br /> अनेकेति।<br /> तस्य कथमक्षरत्वं विना ब्रह्मज्ञानमनाशादित्याह --<br /> संसारेति।</div>

imported>Vij