https://iks.bhu.edu.in/index.php?action=history&feed=atom&title=Sbg_15.14_scanand 2026-04-18T10:46:50Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_15.14_scanand&diff=18126&oldid=prev 2025-12-04T09:50:50Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।15.14।।भगवतः सर्वात्मत्वे हेत्वन्तरमाह --<br /> किञ्चेति।<br /> अहमेवेत्यहंशब्देन परो लक्ष्यते? भूत्वा पचामीति संबन्धः। परस्यैव जाठरात्मना स्थितौ श्रुतिं प्रमाणयति --<br /> अयमिति।<br /> बाह्यं भौममग्निं व्यावर्तयति --<br /> योऽयमिति।<br /> देहान्तरारम्भकं तृतीयं भूतं व्यवच्छिनत्ति --<br /> येनेति।<br /> जाठरात्मना परः स्थितश्चेत्तस्य देहांश्रितत्वं सिद्धमिति न पृथग्वक्तव्यमित्याशङ्क्यपुरुषविधं पुरुषेऽन्तः प्रतिष्ठितं वेद इति श्रुतिमाश्रित्याह --<br /> प्रविष्ट इति।<br /> परस्य जाठरात्मनोऽन्नपाके सहकारिकारणमाह --<br /> प्राणेति।<br /> संयुक्तत्वं संधुक्षितत्वम्। अन्नस्य चातुर्विध्यं प्रकटयति --<br /> भोज्यमिति।<br /> भोक्तरि वैश्वानरदृष्टिर्भोज्ये सोमदृष्टिरेवं भोक्तृभोज्यरूपं सर्वं जगदग्नीषोमात्मना भुक्तिकाले ध्यायतो भोक्तुरन्नकृतो दोषो नेति प्रासङ्गिकं सफलं ध्यानं दर्शयति --<br /> भोक्तेति।</div>

imported>Vij