https://iks.bhu.edu.in/index.php?action=history&feed=atom&title=Sbg_15.13_scsh 2026-04-18T10:46:40Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_15.13_scsh&diff=18093&oldid=prev 2025-12-04T09:50:35Z

<p>Added {content_identifier} content</p> <p><b>New page</b></p><div>Sanskrit Commentary By Sri Shankaracharya<br /> ।।15.13।। --<br /> गां<br /> पृथिवीम्<br /> आविश्य<br /> प्रविश्य<br /> धारयामि भूतानि<br /> जगत्<br /> अहम् ओजसा<br /> बलेन यत् बलं कामरागविवर्जितम् ऐश्वरं रूपं जगद्विधारणाय पृथिव्याम् आविष्टं येन पृथिवी गुर्वी न अधः पतति न विदीर्यते च। तथा च मन्त्रवर्णः -- येन द्यौरुग्रा पृथिवी च दृढा (तै0 सं0 4।1।8) इति? स दाधार पृथिवीम् (तै0 सं0 4।1।8) इत्यादिश्च। अतः गामाविश्य च भूतानि चराचराणि धारयामि इति युक्तमुक्तम्। किं च? पृथिव्यां जाताः<br /> ओषधीः सर्वाः<br /> व्रीहियवाद्याः<br /> पुष्णामि<br /> पुष्टिमतीः रसस्वादुमतीश्च करोमि<br /> सोमो भूत्वा रसात्मकः<br /> सोमः सन् रसात्मकः रसस्वभावः। सर्वरसानाम् आकरः सोमः। स हि सर्वरसात्मकः सर्वाः ओषधीः स्वात्मरसान् अनुप्रवेशयन् पुष्णाति।।किं च --,</div>

imported>Vij