https://iks.bhu.edu.in/index.php?action=history&feed=atom&title=Sbg_15.12_scsh 2026-04-18T15:27:59Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_15.12_scsh&diff=18065&oldid=prev 2025-12-04T09:50:20Z

<p>Added {content_identifier} content</p> <p><b>New page</b></p><div>Sanskrit Commentary By Sri Shankaracharya<br /> ।।15.12।। --,<br /> यत् आदित्यगतम्<br /> आदित्याश्रयम्। किं तत्<br /> तेजः<br /> दीप्तिः प्रकाशः<br /> जगत् भासयते<br /> प्रकाशयति<br /> अखिलं<br /> समस्तम्<br /> यत् चन्द्रमसि<br /> शशभृति तेजः अवभासकं वर्तते?<br /> यच्च अग्नौ<br /> हुतवहे?<br /> तत् तेजः विद्धि<br /> विजानीहि<br /> मामकं<br /> मदीयं मम विष्णोः तत् ज्योतिः। अथवा? आदित्यगतं तेजः चैतन्यात्मकं ज्योतिः? यच्चन्द्रमसि? यच्च अग्नौ वर्ततेः तत् तेजः विद्धि मामकं मदीयं मम विष्णोः तत् ज्योतिः।।ननु स्थावरेषु जङ्गमेषु च तत् समानं चैतन्यात्मकं ज्योतिः। तत्र कथम् इदं विशेषणम् -- यदादित्यगतम् इत्यादि। नैष दोषः? सत्त्वाधिक्यात् आविस्तरत्वोपपत्तेः। आदित्यादिषु हि सत्त्वं अत्यन्तप्रकाशम् अत्यन्तभास्वरम् अतः तत्रैव आविस्तरं ज्योतिः इति तत् विशिष्यते? न तु तत्रैव तत् अधिकमिति। यथा हि श्लोके तुल्येऽपि मुखसंस्थाने न काष्ठकुड्यादौ मुखम् आविर्भवति? आदर्शादौ तु स्वच्छे च तारतम्येन आविर्भवति तद्वत्।।किं च --,</div>

imported>Vij