https://iks.bhu.edu.in/index.php?action=history&feed=atom&title=Sbg_14.3_scanand 2026-04-21T11:35:33Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_14.3_scanand&diff=17062&oldid=prev 2025-12-04T09:41:28Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।14.3।।ज्ञानस्तुत्या तदभिमुखायावहितचेतसे विवक्षितमर्थमाह --<br /> क्षेत्रेति।<br /> स्वरूपत्वेन स्वभूतत्वं वारयति --<br /> मदीयेति।<br /> ईश्वरीं चिच्छक्तिं व्यावर्तयति --<br /> त्रिगुणात्मिकेति।<br /> सांख्यीयप्रकृतिरपि मदीयेति व्यावर्तिता। योनिशब्देन सर्वाणि भवनयोग्यानि कार्याणि प्रत्युपादानत्वमभिप्रेतमित्याह --<br /> सर्वभूतानामिति।<br /> प्रकृतेर्महत्त्वं साधयति --<br /> सर्वेति।<br /> सर्वकार्यव्याप्तिमादाय योनावेव ब्रह्मशब्दः। लिङ्गवैषम्यान्महद्ब्रह्मेत्यर्थान्तरं किंचिदित्याशङ्क्याह --<br /> योनिरिति।<br /> तस्मिन्नित्यादि व्याचष्टे --<br /> तस्मिन्निति।<br /> ईदृशस्य क्षेत्रक्षेत्रज्ञसंयोगस्य भूतकारणत्वमिति वक्तुमुपक्रम्य किमिदमन्यदादर्शितमित्याशङ्क्याह --<br /> क्षेत्रेति।<br /> गर्भशब्देनोक्तसंयोगस्य फलं दर्शयति --<br /> संभव इति।<br /> आदिकर्ता स भूतानाम् इति स्मृत्या हिरण्यगर्भकार्यत्वावगमाद्भूतानां कथं<br /> <br /> <br /> यथोक्तगर्भाधाननिमित्तत्वमित्याशङ्क्याह --<br /> हिरण्यगर्भेति।</div>

imported>Vij