https://iks.bhu.edu.in/index.php?action=history&feed=atom&title=Sbg_14.25_scanand 2026-04-19T00:45:32Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_14.25_scanand&diff=17678&oldid=prev 2025-12-04T09:46:42Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।14.25।।इतश्च गुणातीतः शक्यो ज्ञातुमित्याह --<br /> किञ्चेति।<br /> मानः सत्कारस्तिरस्कारोऽपमानः। परदृष्ट्या यौ सखिशत्रू तयोः पक्षयोर्निर्विशेषो न कस्यचित्पक्षे तिष्ठतीत्याह --<br /> तुल्य इति।<br /> विदुषो मित्रादिबुद्ध्यभावात्तुल्यो मित्रारिपक्षयोरित्ययुक्तमित्याशङ्क्याह --<br /> यद्यपीति।<br /> सर्वकर्मत्यागे देहधारणमपि निमित्ताभावान्न स्यादित्याशङ्क्याह --<br /> देहेति।<br /> उक्तविशेषणो गुणातीतो ज्ञातव्य इत्याह --<br /> गुणेति।<br /> यदुक्तमुपेक्षकत्वादि तद्विद्योदयात्पूर्वं यत्नसाध्यं विद्याधिकारिणा ज्ञानसाधनत्वेनानुष्ठेयमुत्पन्नायां तु विद्यायां जीवन्मुक्तस्योक्तधर्मजातं स्थिरीभूतं स्वानुभवसिद्धलक्षणत्वेन तिष्ठतीत्युक्ते धर्मजाते विभागं दर्शयति --<br /> उदासीनवदित्यादिना।</div>

imported>Vij