https://iks.bhu.edu.in/index.php?action=history&feed=atom&title=Sbg_14.22_scanand 2026-04-21T21:04:11Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_14.22_scanand&diff=17594&oldid=prev 2025-12-04T09:45:59Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।14.22।।प्रश्नस्वरूपमनूद्य तदुत्तरं दर्शयति --<br /> गुणातीतस्येति।<br /> पृष्टो भगवानिति संबन्धः। किंवृत्तस्य त्रिधा प्रयोगदर्शनात्प्रश्नद्वयार्थमित्युपलक्षणं प्रश्नत्रयार्थमिति द्रष्टव्यम्। उत्तरमवतार्यानन्तरश्लोकतात्पर्यमाह --<br /> यत्तावदिति।<br /> तानि सम्यग्दर्शी न द्वेष्टीत्युक्तमेव स्पष्टयितुं निषेध्यमसम्यग्दर्शिनो द्वेषं तेषु प्रकटयति --<br /> ममेत्यादिना।<br /> सम्यग्दर्शिनः संप्रवृत्तेषु प्रकाशादिषु द्वेषाभावमुपसंहरति --<br /> तदेवमिति।<br /> न निवृत्तानीत्यादि व्याचष्टे --<br /> यथाचेति।<br /> तेषामनात्मीयत्वं सम्यक्पश्यन्नात्मानुकूलप्रतिकूलतारोपणेन नोद्विजते तेभ्यश्च न स्पृहयतीत्यर्थः। स्वानुभवसिद्धं गुणातीतस्य लक्षणमुक्तमित्याह --<br /> एतन्नेति।<br /> परप्रत्यक्षत्वाभावं प्रपञ्चयति --<br /> नहीति।<br /> आश्रयो विषयः।</div>

imported>Vij