https://iks.bhu.edu.in/index.php?action=history&feed=atom&title=Sbg_13.8_scanand 2026-04-26T23:05:08Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_13.8_scanand&diff=16222&oldid=prev 2025-12-04T08:22:04Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।13.8।।न केवलममानित्वादीन्येव ज्ञानस्यान्तरङ्गसाधनानि किंतु वैराग्यादीन्यपि तथाविधानि सन्तीत्याह --<br /> किञ्चेति।<br /> दृष्टादृष्टेष्वनेकार्थेषु रागे तत्प्रतिबद्धं ज्ञानं नोत्पद्येतेति मत्वा व्याकरोति --<br /> इन्द्रियेति।<br /> आविर्भूतो गर्वोऽहंकारस्तदभावोऽपि ज्ञानहेतुरित्याह --<br /> अनहंकार इति।<br /> इन्द्रियार्थेषु वैराग्यमुक्तमुपपादयति --<br /> जन्मेति।<br /> प्रत्येकं दोषानुदर्शनमित्युक्तं तत्र जन्मनि दोषानुदर्शनं विशदयति --<br /> जन्मनीति।<br /> यथा जन्मनि दोषानुसंधानं तथा मृत्यौ दोषस्य सर्वमर्मनिकृन्तनादेरालोचनं कार्यमित्याह --<br /> तथेति।<br /> जन्मनि मृत्यौ च दोषानुसंधानवज्जरादिष्वपि दोषानुसंधानं कर्तव्यमित्याह --<br /> तथेति।<br /> व्याधिषु दोषस्यासह्यतारूपस्यानुसंधानं? दुःखेषु त्रिविधेष्वपि दोषानुसंधानं प्रसिद्धम्। व्याख्यानान्तरमाह --<br /> अथवेति।<br /> यथा जन्मादिषु दुःखान्तेषु दोषदर्शनमुक्तं तथा तेष्वेव दुःखाख्यदोषस्य दर्शनं स्फुटयति --<br /> दुःखमित्यादिना।<br /> कथं जन्मादीनां बाह्येन्द्रियग्राह्याणां दुःखत्वं तत्राह --<br /> दुःखेति।<br /> जन्मादिषु दोषानुदर्शनकृतं फलमाह --<br /> एवमिति।<br /> वैराग्ये सत्यात्मदृष्ट्यर्थं करणानां तदाभिमुख्येन प्रवृत्तिरिति वैराग्यफलमाह --<br /> तत इति।<br /> जन्मादिदुःखदोषानुदर्शनं ज्ञानहेतुषु किमित्युपसंख्यातमित्याशङ्क्य वैराग्यद्वारा धीहेतुत्वादित्याह --<br /> एवमिति।</div>

imported>Vij