https://iks.bhu.edu.in/index.php?action=history&feed=atom&title=Sbg_13.3_scanand 2026-04-25T08:51:41Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_13.3_scanand&diff=16082&oldid=prev 2025-12-04T08:20:58Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।13.3।।एवं श्लोकद्वयं व्याख्याय श्लोकान्तरमवतारयति --<br /> इदमिति।<br /> कुत्र संग्रहोक्तिरुपयुज्यते -- तत्राह --<br /> व्याचिख्यासितस्येति।<br /> प्रतिपत्तिसौकर्यार्थं संग्रहोक्तिरर्थवतीत्यर्थः। वक्ष्यमाणेऽर्थे श्रोतुर्मनःसमाधानार्थं सूत्रितवाक्यार्थोपायविवरणप्रतिज्ञामभिप्रेत्याह --<br /> यन्निर्दिष्टमिति।<br /> इदं शरीरमिति यन्निर्दिष्टं तच्छरीरं तच्छब्देन परामृशति प्रकृतार्थत्वात्तस्येति योजना। तत्क्षेत्रं ज्ञातव्यमित्यध्याहारः। यच्चेति येन रूपेण रूपवदिति तदेव क्षेत्रं विशेष्यते। तस्य क्षेत्रस्य स्वकीया धर्मा जन्मादयस्तैर्विशिष्टस्य ज्ञेयत्वे हेयत्वं फलति।<br /> <br /> <br /> चशब्दपञ्चकस्येतरेतरसमुच्चयार्थत्वमाह --<br /> चशब्द इति।<br /> विकारित्वेनापि हेयत्वं सूचयति --<br /> यद्विकारीति।<br /> यत्कार्यं तत्सर्वं यस्मादुत्पद्यते तत्कारणत्वाज्ज्ञातव्यमित्याह --<br /> यत इति।<br /> क्षेत्रमिव क्षेत्रज्ञं ज्ञातव्यं दर्शयति --<br /> स<br /> चेति।<br /> स ज्ञातव्य इति संबन्धः। चक्षुराद्युपाधिकृतदृष्ट्यादिशक्तिवशात्तस्य ज्ञातव्यत्वं सूचयति --<br /> यत्प्रभाव इति।<br /> तेनोक्तेन प्रभावेण तस्य ज्ञातव्यतेति शेषः। कथं यथाविशेषितं क्षेत्रं क्षेत्रज्ञो वा शक्यो ज्ञातुमित्याशङ्क्य<br /> <br /> <br /> भगवद्वाक्यादित्याह --<br /> तदिति।</div>

imported>Vij