https://iks.bhu.edu.in/index.php?action=history&feed=atom&title=Sbg_13.29_scanand 2026-04-22T06:57:45Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_13.29_scanand&diff=16810&oldid=prev 2025-12-04T09:38:59Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।13.29।।श्लोकान्तरं शङ्कोत्तरत्वेनावतारयितुमनुवदति --<br /> सर्वेति।<br /> प्रतिदेहं धर्माधर्मादिमत्त्वेनात्मनो भेदभानान्न सम्यग्दर्शनमिति शङ्कते --<br /> तदिति।<br /> स्वगुणैः सुखदुःखादिभिः स्वकर्मभिश्च धर्माधर्माख्यैर्वैलक्षण्यात्प्रतिदेहं भेदे तद्विशिष्टेष्वात्मसु कथं साम्येन दर्शनमित्येतदाशङ्क्य परिहरतीत्याह --<br /> एतदिति।<br /> प्रकृतिशब्दस्य स्वभाववाचित्वं व्यावर्तयति --<br /> प्रकृतिरिति।<br /> मायाशब्दस्य संवित्पर्यायत्वं प्रत्याह --<br /> त्रिगुणेति।<br /> उक्ता परस्य शक्तिर्मायेत्यत्र श्रुतिसंमतिमाह --<br /> मायां त्विति।<br /> अन्येन केनचित्क्रियमाणानि न भवन्ति कर्माणीत्येवकारार्थमाह --<br /> नान्येनेति।<br /> किं तदन्यन्निषेध्यमित्युक्ते सांख्याभिप्रेता प्रधानाख्या प्रकृतिरित्याह --<br /> महदादीति।<br /> सर्वप्रकारत्वं काम्यत्वनिषिद्धत्वादिना प्रकारबाहुल्यमात्मानमुक्तविशेषणं यः पश्यतीति पूर्वेण संबन्धः। स पश्यतीत्ययुक्तं पुनरुक्तेरित्याशङ्क्याह --<br /> स परमार्थेति।<br /> आत्मनां प्रतिदेहं भिन्नत्वे तेषु समदर्शनमयुक्तमित्युक्तस्य कः समाधिरित्याशङ्क्याह --<br /> निर्गुणस्येति।</div>

imported>Vij