https://iks.bhu.edu.in/index.php?action=history&feed=atom&title=Sbg_13.26_scsh 2026-04-24T23:10:00Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_13.26_scsh&diff=16721&oldid=prev 2025-12-04T08:26:09Z

<p>Added {content_identifier} content</p> <p><b>New page</b></p><div>Sanskrit Commentary By Sri Shankaracharya<br /> ।।13.26।। --,<br /> अन्ये तु<br /> एषु विकल्पेषु अन्यतरेणापि<br /> एवं<br /> यथोक्तम् आत्मानम्<br /> अजानन्तः अन्येभ्यः<br /> आचार्येभ्यः<br /> श्रुत्वा<br /> इदमेव चिन्तयत इति उक्ताः<br /> उपासते<br /> श्रद्दधानाः सन्तः चिन्तयन्ति।<br /> तेऽपि च अतितरन्त्येव<br /> अतिक्रामन्त्येव<br /> मृत्युम्?<br /> मृत्युयुक्तं संसारम् इत्येतत्।<br /> श्रुतिपरायणाः<br /> श्रुतिः श्रवणं परम् अयनं गमनं मोक्षमार्गप्रवृत्तौ परं साधनं येषां ते श्रुतिपरायणाः केवलपरोपदेशप्रमाणाः स्वयं विवेकरहिताः इत्यभिप्रायः। किमु वक्तव्यम् प्रमाणं प्रति स्वतन्त्राः विवेकिनः मृत्युम् अतितरन्ति इति अभिप्रायः।।क्षेत्रज्ञेश्वरैकत्वविषयं ज्ञानं मोक्षसाधनम् यज्ज्ञात्वामृतमश्नुते इत्युक्तम्? तत् कस्मात् हेतोरिति? तद्धेतुप्रदर्शनार्थं श्लोकः आरभ्यते --,</div>

imported>Vij