https://iks.bhu.edu.in/index.php?action=history&feed=atom&title=Sbg_13.24_scanand 2026-04-24T17:52:29Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_13.24_scanand&diff=16670&oldid=prev 2025-12-04T08:25:46Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।13.24।।ज्ञेयं यत्तदित्यादिना तत्पदार्थस्त्वंपदार्थश्चानन्तरमेव शोधितौ तयोरैक्यं चक्षेत्रज्ञं चापि मां विद्धि इत्युक्तमिदानीं तद्दृष्टिहेतून्यथाधिकारं कथयति --<br /> अत्रेति।<br /> ध्यानाख्यं साधनं किंरूपमिति पृच्छति --<br /> ध्यानं<br /> नामेति।<br /> तद्रूपं वदन्नुत्तरमाह --<br /> शब्दादिभ्य इति।<br /> एकाग्रतयोपसंहृत्येति संबन्धः। यच्चिन्तनं प्रत्यक्चेतयितरीति पूर्वेणान्वयः। किं तच्चिन्तनमित्युक्ते दृष्टान्तद्वारा श्रुत्यवष्टम्भेन ध्यानं प्रपञ्चयति --<br /> तथेति।<br /> विवक्षितध्यानानुरोधेनेति यावत्? आत्मानं पश्यन्ति परमात्मतयेति शेषः। केचिदित्युत्तमाधिकारिणो गृह्यन्ते। मध्यमाधिकारिणो निर्दिशति --<br /> अन्य इति।<br /> सांख्यशब्दितं साधनं किं नामेत्युक्ते विचारजन्यं ज्ञानं तदेव ज्ञानं,हेतुतया योगतुल्यत्वाद्योगशब्दितमित्याह --<br /> सांख्यमिति।<br /> अधमानधिकारिणः संगिरते --<br /> कर्मेति।<br /> चित्तैकाग्र्यं योगस्तादर्थ्यं कर्मणः शुद्धिहेतोरस्ति तेन गौण्या वृत्त्या योगशब्दितं कर्मेत्याह --<br /> गुणत इति।<br /> अपरे पश्यन्त्यात्मानमात्मनेति पूर्ववदनुषङ्गमङ्गीकृत्याह --<br /> तेनेति।</div>

imported>Vij