https://iks.bhu.edu.in/index.php?action=history&feed=atom&title=Sbg_13.21_scanand 2026-04-24T17:52:29Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_13.21_scanand&diff=16586&oldid=prev 2025-12-04T08:25:06Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।13.21।।श्लोकान्तरं प्रश्नोत्तरत्वेनावतारयति --<br /> यदिति।<br /> निमित्तं वक्तुमादौ संसारित्वमस्याविद्यैक्याध्यासादित्याह --<br /> पुरुष इति।<br /> यस्मात्प्रकृतिमात्मत्वेन गतस्तस्माद्भुङ्क्त इति योजना। गुणविषयं भोगमभिनयति --<br /> सुखीति।<br /> अविद्याया भोगहेतुत्वात्किं कारणान्वेषणयेत्याशङ्क्याह --<br /> सत्यमपीति।<br /> सङ्गस्य जन्मादौ संसारे प्रधानहेतुत्वे मानमाह --<br /> स यथेति।<br /> उक्तेऽर्थे द्वितीयार्धमवतार्य व्याचष्टे --<br /> तदेतदित्यादिना।<br /> साध्याहारं योजनान्तरमाह --<br /> अथवेति।<br /> सदसद्योनीर्विविच्य व्याचष्टे --<br /> सद्योनय इति।<br /> योनिद्वयनिर्देशान्मध्यवर्तिन्यो मनुष्ययोनयोऽपि ध्वनिता इत्याह --<br /> सामर्थ्यादिति।<br /> सङ्गस्य संसारकारणत्वे नाविद्यायास्तत्कारणत्वमेकस्मादेव हेतोस्तदुपपत्तेरित्याशङ्क्याह --<br /> एतदिति।<br /> अविद्योपादानं सङ्गो निमित्तमित्युभयोरपि कारणत्वं सिध्यतीत्यर्थः। द्विविधहेतूक्तेर्विवक्षितं फलमाह --<br /> तच्चेति।<br /> सासङ्गस्याज्ञानस्य स्वतोऽनिवृत्तेस्तन्निवर्तकं वाच्यमित्याशङ्क्याह --<br /> अस्येति।<br /> वैराग्ये सति संन्यासस्तत्पूर्वकं च ज्ञानं सासङ्गाज्ञाननिवर्तकमित्यर्थः। उक्ते ज्ञाने मानमाह --<br /> गीतेति।<br /> अध्यायादौ चोक्तं ज्ञानमुदाहृतमित्याह --<br /> तच्चेति।<br /> तदेव ज्ञानं यज्ज्ञात्वेत्यादिना न सत्तन्नासदित्यन्तेनान्यनिषेधेन सर्वतःपाणिपादमित्यादिना चातद्धर्माध्यासेनोक्तमित्याह --<br /> यज्ज्ञात्वेति।</div>

imported>Vij