https://iks.bhu.edu.in/index.php?action=history&feed=atom&title=Sbg_13.15_scanand 2026-04-22T11:18:19Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_13.15_scanand&diff=16418&oldid=prev 2025-12-04T08:23:45Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।13.15।।इतोऽपि ज्ञेयं ब्रह्मास्तीत्याह --<br /> किञ्चेति।<br /> बहिरिति व्याख्येयमादाय व्याचष्टे --<br /> त्वगिति।<br /> भूतेभ्यो बहिर्बाह्यविषयाद्यात्मकमित्यर्थः। कथमनात्मन एवात्मत्वं कल्पनयेत्याह --<br /> आत्मत्वेनेति।<br /> अन्तःशब्दार्थमाह --<br /> तथेति।<br /> भूतानां चराचराणामन्तर्मध्ये प्रत्यग्भूतमित्यर्थः। द्वितीयं पादमवतार्य व्याचष्टे --<br /> बहिरित्यादिना।<br /> यन्मध्ये भूतात्मकं नानाविधदेहात्मना भासमानं तदपि ज्ञेयान्तर्भूतं तत्त्वं सदित्यर्थः। कथं चराचरात्मनो भूतजातस्य ज्ञेयत्वं तत्राह --<br /> यथेति।<br /> अधिष्ठाने रज्ज्वां कल्पितसर्पादेरन्तर्भाववद्देहाभासस्यापि ज्ञेयान्तर्भावान्नासत्त्वं मध्ये ज्ञेयस्य शङ्कितव्यमित्यर्थः। सर्वात्मकं चेज्ज्ञेयं सर्वैरिदमिति किमिति न गृह्येतेति शङ्कते --<br /> यदीति।<br /> इदमिति ग्राह्यत्वयोग्यत्वाभावान्नेत्याह --<br /> उच्यत इति।<br /> सर्ववस्त्वात्मना भासते तदयोग्यत्वं कथमित्याशङ्क्याह --<br /> सत्यमिति।<br /> सूक्ष्मत्वेऽपि किं स्यादित्याशङ्क्याह --<br /> अत इति।<br /> सूक्ष्मत्वमतीन्द्रियत्वम् तस्याविज्ञेयत्वे कुतस्तज्ज्ञानान्मुक्तिस्तत्राह --<br /> अविदुषामिति।<br /> विशेषणफलमाह --<br /> विदुषां त्विति।<br /> तेषामात्मत्वेन ज्ञातं चेत्कथं दूरस्थत्वमित्याशङ्क्याह --<br /> अविज्ञाततयेति।<br /> कथं तर्हि तस्य प्रत्यक्त्वं तत्राह --<br /> अन्तिके चेति।<br /> विद्वदविद्वद्भेदापेक्षयादूरात्सुदूरे तदिहान्तिके च इति श्रुतिस्तदर्थोऽत्र प्रसङ्गादनूदित इत्यर्थः।</div>

imported>Vij