https://iks.bhu.edu.in/index.php?action=history&feed=atom&title=Sbg_13.11_scsh 2026-04-24T14:44:13Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_13.11_scsh&diff=16301&oldid=prev 2025-12-04T08:22:46Z

<p>Added {content_identifier} content</p> <p><b>New page</b></p><div>Sanskrit Commentary By Sri Shankaracharya<br /> ।।13.11।। --,<br /> मयि च<br /> इश्वरे<br /> अनन्ययोगेन<br /> अपृथक्समाधिना न अन्यो भगवतो वासुदेवात् परः अस्ति? अतः स एव नः गतिः इत्येवं निश्चिता अव्यभिचारिणी बुद्धिः अनन्ययोगः? तेन भजनं<br /> भक्तिः<br /> न व्यभिचरणशीला<br /> अव्यभिचारिणी।<br /> सा च ज्ञानम्।<br /> विविक्तदेशसेवित्वम्?<br /> विविक्तः स्वभावतः संस्कारेण वा अशुच्यादिभिः सर्पव्याघ्रादिभिश्च रहितः अरण्यनदीपुलिनदेवगृहादिभिर्विविक्तो देशः? तं सेवितुं शीलमस्य इति विविक्तदेशसेवी? तद्भावः विवक्तदेशसेवित्वम्। विविक्तेषु हि देशेषु चित्तं प्रसीदति यतः ततः आत्मादिभावना विविक्ते उपजायते। अतः विविक्तदेशसेवित्वं ज्ञानमुच्यते।<br /> अरतिः<br /> अरमणं<br /> जनसंसदि?<br /> जनानां प्राकृतानां संस्कारशून्यानाम् अविनीतानां संसत् समवायः जनसंसत् न संस्कारवतां विनीतानां संसत् तस्याः ज्ञानोपकारकत्वात्। अतः प्राकृतजनसंसदि अरतिः ज्ञानार्थत्वात् ज्ञानम्।।किञ्च --,</div>

imported>Vij