https://iks.bhu.edu.in/index.php?action=history&feed=atom&title=Sbg_12.3_scsh 2026-04-21T14:21:49Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_12.3_scsh&diff=15517&oldid=prev 2025-12-04T08:14:49Z

<p>Added {content_identifier} content</p> <p><b>New page</b></p><div>Sanskrit Commentary By Sri Shankaracharya<br /> ।।12.3।। --<br /> ये तु अक्षरम् अनिर्देश्यम्?<br /> अव्यक्तत्वात् अशब्दगोचर इति न निर्देष्टुं शक्यते? अतः अनिर्देश्यम्?<br /> अव्यक्तं<br /> न केनापि प्रमाणेन व्यज्यत इत्यव्यक्तं<br /> पर्युपासते<br /> परि समन्तात् उपासते। उपासनं नाम यथाशास्त्रम् उपास्यस्य अर्थस्य विषयीकरणेन सामीप्यम् उपगम्य तैलधारावत् समानप्रत्ययप्रवाहेण दीर्घकालं यत् आसनम्? तत् उपासनमाचक्षते। अक्षरस्य विशेषणमाह उपास्यस्य --<br /> सर्वत्रगं<br /> व्योमवत् व्यापि<br /> अचिन्त्यं च<br /> अव्यक्तत्वादचिन्त्यम्। यद्धि करणगोचरम्? तत् मनसापि चिन्त्यम्? तद्विपरीतत्वात् अचिन्त्यम् अक्षरम्?<br /> कूटस्थं<br /> दृश्यमानगुणम् अन्तर्दोषं वस्तु कूटम्। कूटरूपम् कूटसाक्ष्यम् इत्यादौ कूटशब्दः प्रसिद्धः लोके। तथा च अविद्याद्यनेकसंसारबीजम् अन्तर्दोषवत् मायाव्याकृतादिशब्दवाच्यतया मायां तु प्रकृतिं विद्यान्मायिनं तु महेश्वरम् (श्वे0 उ<br /> 0<br /> 4।10) मम माया दुरत्यया (गीता 7।14) इत्यादौ प्रसिद्धं यत् तत् कूटम्? तस्मिन् कूटे स्थितं कूटस्थं तदध्यक्षतया। अथवा? राशिरिव स्थितं कूटस्थम्। अत एव<br /> अचलम्।<br /> यस्मात् अचलम्? तस्मात्<br /> ध्रुवम्?<br /> नित्यमित्यर्थः।।</div>

imported>Vij