https://iks.bhu.edu.in/index.php?action=history&feed=atom&title=Sbg_12.3_scanand 2026-04-21T05:33:18Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_12.3_scanand&diff=15522&oldid=prev 2025-12-04T08:14:52Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।12.3।।वक्ष्यामस्तदुपरिष्टादित्युक्तं प्रश्नपूर्वकं प्रकटयति --<br /> किमित्यादिना।<br /> पूर्वेभ्यः फलतो विशेषार्थस्तुशब्दः। अव्यक्तत्वमनिर्देश्यत्वे हेतुरित्याह --<br /> अव्यक्तत्वादिति।<br /> यतोऽव्यक्तमतोऽनिर्देश्यमिति योजना। निरुपाधिकेऽक्षरे कथमुपासनेति पृच्छति --<br /> उपासनमिति।<br /> शास्त्रतोऽक्षरं ज्ञात्वा तदुपेत्यात्मत्वेनोपगम्योपासते तथैव तिष्ठन्ति पूर्णचिदेकतानमक्षरमात्मानमेव सदा भावयन्तीत्येतदिह विवक्षितमित्याह --<br /> यथेति।<br /> अव्यक्तत्वमेवाचिन्त्यत्वेऽपि हेतुरित्याह --<br /> यद्धीति।<br /> कूटस्थशब्दस्योक्तार्थत्वं वृद्धप्रयोगतः साधयति --<br /> कूटरूपमिति।<br /> आदिपदमनृतार्थम्। प्रकृते किं तदनृतं कूटशब्दितमित्याशङ्क्याह --<br /> तथाचेति।<br /> उक्तरीत्या कूटशब्दस्यानृतार्थत्वे सिद्धे यदनेकस्य संसारस्य बीजं निरूप्यमाणं नानाविधदोषोपेतंतद्धेदं तर्ह्यव्याकृतं?मायां तुं प्रकृतिंमम माया इत्यादौ मायाशब्दिततया प्रसिद्धमविद्यादि तदिह कूटशब्दितमित्यर्थः। तत्रावस्थानं केन रूपेणेत्याशङ्कायामाह --<br /> तदध्यक्षतयेति।<br /> कूटस्थशब्दस्य निष्क्रियत्वमर्थान्तरमाह --<br /> अथवेति।<br /> पूर्वमुपजीव्यानन्तरविशेषणद्वयप्रवृत्तिमाह --<br /> अतएवेति।</div>

imported>Vij