https://iks.bhu.edu.in/index.php?action=history&feed=atom&title=Sbg_12.2_scanand 2026-04-21T12:43:54Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_12.2_scanand&diff=15494&oldid=prev 2025-12-04T08:14:38Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।12.2।।किमनयोर्योगयोर्मध्ये सुशक्यो योगो वा पृच्छ्यते किं वा साक्षान्मोक्षहेतुरिति विकल्प्य क्रमेणोत्तरं भगवानुक्तवानित्याह --<br /> श्रीभगवानिति।<br /> यदि द्वितीयस्तथाविधयोगस्य वक्ष्यमाणत्वान्न प्रष्टव्यतेत्याह --<br /> ये त्वक्षरेति।<br /> यद्याद्यस्तत्राह --<br /> ये त्विति।<br /> सर्वयोगेश्वराणां सर्वेषां योगमधितिष्ठतां योगिनामित्यर्थः। विमुक्ता त्यक्ता रागाद्याख्या क्लेशनिमित्तभूता तिमिरशब्दितानाद्यज्ञानकृता दृष्टिरविद्या मिथ्या धीर्यस्य तमिति विशिनष्टि --<br /> विमुक्तेति।<br /> नित्ययुक्तत्वं साधयति --<br /> अतीतेति।<br /> तत्रोक्तो योऽर्थो मत्कर्मकृदित्यादि,तस्मिन्निश्चयेनायनमायो गमनं तस्य नियमेनानुष्ठानं तेनेत्यर्थः। उपासते मयि स्मृतिं सदा कुर्वन्तीत्यर्थः। उक्तोपासकानां युक्ततमत्वं व्यनक्ति --<br /> नैरन्तर्येणेति।<br /> तदेव स्फुटयति --<br /> अहोरात्रमिति।<br /> अह्नि च रात्रौ चातिमात्रमतिशयेन मामेव विषयान्तरविमुक्ताश्चिन्तयन्तीत्यर्थः।</div>

imported>Vij