https://iks.bhu.edu.in/index.php?action=history&feed=atom&title=Sbg_12.1_scanand 2026-04-21T20:48:27Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_12.1_scanand&diff=15466&oldid=prev 2025-12-04T08:14:24Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।12.1।।अशोच्यानित्यादिषु विभूत्यध्यायावसानेष्वध्यायेषु निरुपाधिकस्य ब्रह्मणो ज्ञेयत्वेनानुसंधानमुक्तमिति वृत्तं कीर्तयति --<br /> द्वितीयेति।<br /> अतिक्रान्तेषु तत्तदध्यायेषु सोपाधिकस्यापि ब्रह्मणो ध्येयत्वेन प्रतिपादनं कृतमित्याह --<br /> सर्वेति।<br /> सर्वस्यापि प्रपञ्चस्य योगो घटना जन्मस्थितिभङ्गप्रवेशनियमनाख्या तत्रैश्वर्यं सामर्थ्यं तेन सर्वत्र ज्ञेये प्रतिबन्धविधुरया ज्ञानशक्त्या विशिष्टस्य सत्त्वाद्युपहितस्य भगवतो ध्यानं तत्र तत्र प्रसङ्गमापाद्य मन्दमध्यमयोरनुग्रहार्थमुक्तमित्यर्थः। एकादशे वृत्तमनुवदति --<br /> विश्वरूपेति।<br /> अध्यायान्ते भगवदुपदेशमनुवदति --<br /> तच्चेति।<br /> (अतीतानन्तरश्लोकेनोक्तमर्थं परामृशति --<br /> मत्कर्मकृदिति।<br /> ) यथाधिकारं तारतम्योपेतानि साधनानि नियन्तुमध्यायान्तरमवतारयन्नादौ प्रश्नमुत्थापयति --<br /> अत इति।<br /> सोपाधिकध्यानस्य निरुपाधिकज्ञानस्य चोक्तत्वादित्यर्थः। एवं शब्दार्थमुक्त्वा तमनूद्य सततयुक्ता इति भागं विभजते --<br /> एवमिति।<br /> ये भक्ता इत्यनूद्य व्याचष्टे --<br /> अनन्येति।<br /> मन्दमध्यमाधिकारिणः सगुणशरणानुक्त्वा निर्गुणनिष्ठानुत्तमाधिकारिणो निर्दिशति --<br /> ये चेति।<br /> यथा विशेषितमनिर्देश्यं सर्वत्रगमचिन्त्यं कूटस्थमित्यादिवक्ष्यमाणविशेषणविशिष्टमित्यर्थः। न क्षरत्यश्नुते वेत्यक्षरम्। अव्यक्तमित्येतद्व्याचष्टे --<br /> निरस्तेति।<br /> करणागोचरत्वं व्यतिरेकद्वारा स्फोरयति --<br /> यद्धीति।<br /> यथा विशेषितमित्युक्तं स्पष्टयति --<br /> शिष्टैश्चेति।<br /> पूर्वार्धगतक्रियापदस्यानुषङ्गं सूचयति --<br /> तदिति।<br /> सर्वे तावदेते योगं समाधिं विन्दन्तीति योगविदः। के पुनरतिशयेनैषां मध्ये योगविदो योगिन इति पृच्छति --<br /> केऽतिशयेनेति।</div>

imported>Vij