https://iks.bhu.edu.in/index.php?action=history&feed=atom&title=Sbg_11.43_scanand 2026-04-19T21:27:02Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_11.43_scanand&diff=15102&oldid=prev 2025-12-04T08:11:29Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।11.43।।वाचनिकं मदीयमपराधजातं त्वया क्षन्तव्यमित्युक्तमिदानीं मदीयोऽपराधो न त्वया गृहीतव्यो गृहतोऽपि सोढव्य इत्याह --<br /> यत इति।<br /> गुणाधिक्यात्पूजार्हत्वं धर्मात्मज्ञानसंप्रदायप्रवर्तकत्वेन शिक्षयितृत्वाद्गुरुत्वं गुरूणामपि सूत्रादीनां गुरुत्वाद्गरीयस्त्वं तदेव प्रश्नद्वारा साधयति --<br /> कस्मादिति।<br /> ईश्वरान्तरं तुल्यं भविष्यतीत्याशङ्क्याह --<br /> नहीति।<br /> ईश्वरभेदे प्रत्येकं स्वातन्त्र्यात्तदैकमत्ये हेत्वभावान्नानामतित्वे चैकस्य सिसृक्षायामन्यस्य संजिहीर्षासंभवाद्व्यवहारलोपादयुक्तमीश्वरनानात्वमित्यर्थः। अभ्यधिकासत्त्वं कैमुतिकन्यायेन दर्शयति --<br /> त्वत्सम इति।<br /> तत्र हेतुमवतार्य व्याकरोति --<br /> अप्रतिमेत्यादिना।</div>

imported>Vij