https://iks.bhu.edu.in/index.php?action=history&feed=atom&title=Sbg_11.37_scanand 2026-04-13T15:23:43Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_11.37_scanand&diff=14934&oldid=prev 2025-12-04T08:09:31Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।11.37।।उक्तेऽर्थे हेत्वर्थत्वेनोत्तरश्लोकमवतारयति --<br /> भगवत इति।<br /> महात्मत्वमक्षुद्रचेतस्त्वम्। गुरुतरत्वान्नमस्कारादियोग्यत्वमाह --<br /> गुरुतरायेति।<br /> तत्रैव हेत्वन्तरमाह --<br /> यत इति।<br /> महात्मत्वादिहेतूनां मुक्तानां फलमाह --<br /> अत इति।<br /> तत्रैव हेत्वन्तराणि सूचयति --<br /> हे अनन्तेति।<br /> अनवच्छिन्नत्वं सर्वदेवनियन्तृत्वं सर्वजगदाश्रयत्वं च तव नमस्कारादियोग्यत्वे कारणमित्यर्थः। तत्रैव हेत्वन्तरमाह --<br /> त्वमिति।<br /> तत्र मानमाह --<br /> यदिति।<br /> कथमेकस्यैव सदसद्रूपत्वं तत्राह --<br /> ते इति।<br /> कथं सतोऽसतश्चाक्षरं प्रत्युपाधित्वं तदाह --<br /> यद्द्वारेणेति।<br /> तत्परं यदित्येतद्व्याचष्टे --<br /> परमार्थतस्त्विति।<br /> अनन्तत्वादिना भगवतो नमस्कारादियोग्यत्वमुक्तम्।</div>

imported>Vij