https://iks.bhu.edu.in/index.php?action=history&feed=atom&title=Sbg_10.1_scanand 2026-04-08T00:37:50Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_10.1_scanand&diff=12750&oldid=prev 2025-12-04T07:39:18Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।10.1।।अध्यायद्वये सिद्धमर्थं संक्षेपतोऽनुभाषते --<br /> सप्तम इति।<br /> तत्त्वं सोपाधिकं निरुपाधिकं च। विभूतयः सविशेषनिर्विशेषरूपप्रतिपत्त्युपयोगिन्यः। उत्तराध्यायस्याध्यायद्वयेन संबन्धं वदन्नध्यायान्तरमवतारयति --<br /> अथेति।<br /> वक्तव्याः सविशेषध्याने निर्विशेषप्रतिपत्तौ च शेषत्वेनेति शेषः। ननु सविशेषं निर्विशेषं च भगवतो रूपं प्रागेव तत्र तत्रोक्तं तत्किमिति पुनरुच्यते तत्राह --<br /> उक्तमपीति।<br /> यद्यपि तत्र तत्र तत्त्वमुक्तं तथापि पुनर्वक्तव्यं दुर्विज्ञेयत्वादिति यतो मन्यतेऽत इति योजना। प्रकृष्टत्वं वचसः स्पष्टयति --<br /> निरतिशयेति।<br /> तदेव वचो विशिनष्टि --<br /> यत्परममिति।<br /> सकृदुक्तेरर्थसिद्धेरसकृदुक्तिरनर्थिकेत्याशङ्क्याह --<br /> प्रीयमाणायेति।<br /> ततो वक्ष्यामि तुभ्यमिति पूर्वेण संबन्धः। हितं दुर्विज्ञेयं तत्त्वज्ञानम्।</div>

imported>Vij